م. أحمد أمين مسعود: منطقة مثلث ماسبيرو ليست للأغنياء فقط 

كتبت: سالي مزروع

اوضح المهندس أحمد أمين مسعود رئيس مجلس إدارة شركة «منصات للأستثمار العقاري»، حقيقة تداول صور لعدد 4 أبراج سكنية بمنطقة مثلت ماسبيرو ، وأن الدولة خصصت المنطقة للأغنياء فقط ، بدون مراعاة حق السكان الأصليين .

 وكتب عبر صفحته الرسمية بموقع التواصل الاجتماعي فيسبوك :«على مدار الأيام اللي فاتت انتشرت صور لـ 4 أبراج من أبراج مشروع مثلث ماسبيرو، واتقال إن ده اللى بتعمله الحكومة، إنها أزالت أهل منطقة من سكانها، علشان تبني أبراج ضخمة للناس الأغنياء وأصحاب الأبراج إلخ إلخ.. بس المفاجأة إن دي أبراج أهالي منطقة سكان ماسبيرو ، دي بيوتهم الجديدة اللى هيرجعوا ليها بعد ما المشروع ينتهي ! 

إيه ده يعني مش ده المشروع كله؟ 

لأ طبعا مين قال إن ده المشروع كله؟ 

ده جزء صغير جدا من مشروع مثلث ماسبيرو، اللى هو فى حقيقة الأمر إعادة بناء لـ"القاهرة الخديوية" بمساحاتها الواسعة.. بتصميماتها الأنيقة.. وما الأبراج دي إلا جزء صغير من المشروع، الحقيقة هما 4 أبراج فقط.. والحقيقة إنهم لا يمثلوا مساحة أكثر من 5% فقط من مساحة مثلث ماسبيرو كله اللى هيشهد إعادة إحياء علشان يكون بمثابة "وسط بلد" جديدة فى القاهرة.. تليق بمفهوم العصر الحديث.. وتحافظ على أصالة القديم.. وتحفظ حق السكان الأصليين للمكان.»

خلينا فاكرين إن مثلث ماسبيرو كان قضية شائكة لعشرات السنوات، بقعة عشوائية تقع فى قلب القاهرة، على بعد خطوات من وزارة الخارجية، والإذاعة والتليفزيون، ووسط القاهرة، وحكومات ورا حكومات فشلت في إيجاد حل لهذه النقطة.. لغاية ما ربنا وفق وكرم فى عهد جمهوريتنا الجديدة.. والعشوائية بتتحول لجمال.. والتطوير بيستمر يوم ورا يوم